Алгоритми quicksort рӯйхатро нисбат ба як унсури такягоҳӣ ба қисмҳо ҷудо мекунад ва ин амалро барои қисмҳои ҳосилшуда такрор менамояд. Дар ҳолатҳои маъмул он самаранок аст, аммо самаранокии он ба интихоби унсури такягоҳӣ ва татбиқ вобаста мебошад.
Дар барномаҳои амалӣ одатан аз воситаҳои тайёри Python истифода мебарем. Усули a.sort() худи рӯйхатро мураттаб мекунад ва None бармегардонад. Функсияи sorted(a) рӯйхати нави мураттабшуда месозад ва a-ро тағйир намедиҳад. Барои тартиби камшавӣ reverse=True дода мешавад.
a = [3, 1, 2] b = sorted(a) print(a) print(b) a.sort(reverse=True) print(a) Натиҷа:
[3, 1, 2] [1, 2, 3] [3, 2, 1] Машқҳои мустақилона
Массиви якченака аз қиматҳои ададӣ бо n унсур дода шудааст, аз унсурҳои массиви аслӣ ду массиви нав созед. Аввалин бояд танҳо ададҳоеро дар бар гирад, ки ба 3 тақсим мешаванд ва дуюм бояд ададҳоеро дар бар гирад, ки ба 5 тақсим мешаванд.
Барномаро аз саволи аввал идома диҳед ва алгоритмеро нависед, ки ададҳои ба 3 тақсимшавандаро бо тартиби афзоиш ва ҳамаи ададҳои ба 5 тақсимшавандаро бо тартиби камшавӣ ҷобаҷо мекунад.