САЛИМИ ХАТЛОНӢ

ТОРИ ГУСАСТА

Эй тори бенаво,
Эй тори бесадо,
Тарки ту кард нағмаи дилсӯзи зиндагӣ,
Афсӯси зиндагӣ...

Сӯҳони умр хӯрдаву афсурда гаштааст,
Аммо ба ҷони ту ғами ғампарварӣ назад.
Гарчи дари навои туро бо умеди нек
Дидам, ки шавқи панҷаи хунёгаре назад.

Донам чунон, ки дар дили дардошнои ту
Ёди баҳори рафтаи ёрони ҷонӣ буд.
Ҳар раҳза дар замири ту сӯзи ҷавонӣ буд,
Сози ту поси хотираи ҷовидонӣ буд.
Донам чунон, ки ҳар нафаси зиндагоният
Саршори нағмаҳои хуши зиндагонӣ буд.
Ҳоло хомӯшӣ ту,
Ҳоло хомӯш монда ба ҷонат хурӯши ту.
Аммо бо шавқи замзамаи рӯзгори пеш
Сози ту захма мезанад бар ёдҳои ман.
Хомӯшиҳои қалби маро бо садои хеш
Аз сарнавишти пургами ёрони роҳи ман
Саршор мекунад.
Ғамҳои кӯҳнаро