Солҳои
1968 - 1969

Омӯзиш ва оғози парвоз бо ҳавопаймои Ан-24 дар фурудгоҳи Ленинобод. Идоракунии ин навъи ҳавопайморо нахустин маротиба халабон-инструктор А. А. Синбал, командир А. В. Юрин, роҳбари ОАЭ Ленинобод Ю.Н. Кузминов, ҳавонавардон В. Атрохин, П. Зиновьев, И. Кушнир, А.
Адамович, В. Золотих, В. Кром, В. Крутских, штурманҳо В. Строганов, В. Сутягин, М. Муҳаммадҷонов, техникҳо ва муҳандисон В. И. Петровский, З. З. Бинчектаев, Б. Антонин, И. Аюбов, Г. Моисеев, А. Мисанов, В. Ф. Умаров анҷом додаанд.

24 сентябри
соли 1969

Барои муваффақияти беназир ва кори бисёрсолаи бенуқсон дар бобати хизмати ҳавопаймоӣ дар навоҳии ҷудогонаи дурдаст ва амалиёти аккосии аэрогеофизикӣ бо қарори ҳайати Мушовараи Вазорати геология ва ҳифзи табиати СССР ва Президиуми КМ Иттифоқҳои касабаи соҳа командирони чархболҳо В. И. Калошин, В. А. Павлутский, Б. Н. Равнушкин, Ю. И. Сачко бо нишони ифтихорини Аълочии муҳофизи муҳити зист сарфароз гардиданд.

Соли 1970

Ба парвоз шурӯъ намудани ҳавопаймои Як-40. Дар ин навъи ҳавопаймо аввалин бор Г. Н. Каспиев, В. И. Сироткин, В. Т. Нападайло, С. И. Эшонхонов, И. А. Кудимов парвоз намуданд.

Соли 1970

Ноябри
соли 1970

Дар ҷумҳурӣ бори аввал дар колхозҳои ба номи В. И.
Ленини ноҳияи Пролетар, (ҳоло А. Самадови ноҳияи Ҷаббор Расулов), ба номи Азизови ноҳияи Хуҷанд (ҳоло ноҳияи Бобоҷон Ғафуров) се аэродром бо болопӯшҳои маснуӣ бунёд карда шуданд, ки барои иҷрои корҳои ҳавопаймоӣ - кимиёвӣ дар тамоми фаслҳои сол шароит фароҳам овард. Дар моҳи август бо кумаки чархболҳо дар байни Душанбе ва истгоҳи кӯҳии дар ҷаҳон аз ҳама баландтарини гидрометеории Пиряхи Федченко (4,2 ҳазор метр баланд аз сатҳи баҳр) пули ҳавой бунёд гардид.

Дар Ленинобод аэровокзали шаҳрӣ, ки дар минтақаи Осиёи Марказӣ дар шумори бузургтаринҳо буд, ба истифода дода шуд.

Соли 1971

Ба сардори инспекцияи Раёсати ҳавопаймоии авиасияи гражданӣ Иван Дмитриевич Авдоров унвони Халабони шоистаи СССР дода шуд.