Соли 1974

Ҳавопаймоҳои Ту-134 А ба фурудгоҳи Ленинобод ворид шуданд. Халабон – дастурдеҳ Д. Початский, командир А. Зелентсов, пилоти 2-ум А. Юрин, штурман В. Строганов, бортмеханик З. Бикчентаев аз аввалинҳо мебошанд, ки бо ин ҳавопаймо парвоз карда, дар роҳи азхудкунии он асос гузоштаанд. Ҳамон сол аввалин авиаэскадрилияи ҳавопаймоҳои Ту-134 А дар авиаотряди муттаҳидаи Ленинобод бо сарварии В. Г. Коваленко ташкил гардид, ки парвозҳоро дар хатсайрҳои Москва, Новосибирск, Сочи, Симферопол, Минводӣ, Свердловск, Челябинск, Ленинград, Киев ва шаҳрҳои дигар анҷом медод. Собиқадорони ин эскадрилия А. А. Чинис, Ю. Г. Пухов, А. Мирсаидов, В. В. Юриев, М. А. Стеланишев, В. Б. Сутягин, В. В. Харкевич, В. Файзиев, А. Маллахӯҷаев, А. А. Федченко ва дигарон мебошанд. Дар ин навъи ҳавопаймо нахустин маротиба В. Ф. Староверов, Б. Г. Агоев, Б. Н. Сазонов парвоз намуданд.

24 феврали соли 1975

Барои хизматҳояш дар рушди нақлиёти ҳавоӣ ва ба истиқболи 50-солагии таъсиси ҳавопаймои граждании Тоҷикистон Президиуми Шӯрои Олии РСС Тоҷикистон Раёсати ҳавопаймоиро бо Ифтихорнома сарфароз намуд.

Соли 1977

13 май. Бо Фармони Президиуми Шӯрои Олии СССР ба халабони калон инспектори Раёсат Борис Михайлович Воробьёв унвони олии Қаҳрамони Меҳнати Сотсиалӣ дода шуд. Роҳбари Корхонаи воҳиди ҳавопаймоии Душанбе, халабони дараҷаи якум Дмитрий Абрамович Плешанов бо унвони Халабони шоистаи СССР сарфароз гардид. Ҳайати сарнишинони чархболи Ми-4 бо роҳбарии Игорь Григорович Иванов барои наҷоти мардуми офатдида, бо чархбол ба кӯҳистон парвоз намуда, чархболро дар майдони баландияш 6 ҳазор метр (дар домани қуллаи Коммунизм), шинонда, аз он минтақа беморро барои табобат бурда корномаи нишон дод. Хидматҳои И.Г.Иванов тақдир карда шуд. Ӯ бо унвони фахрии Корманди шоистаи нақлиёти РСС Тоҷикистон сарфароз гардид. Ин авиатори моҳир ва инсони наҷиб дар чандин кишвар чун чеҳраи шинохта маҳбубият дорад.