Авиаторони шарафманди Тоҷикистон!

Айни замон, дар корхонаҳои авиатсионии кишвар кормандони шарафманди соҳа дар таъмин намудани бехатарии парвозҳо ва бехатарии авиатсионӣ, хизматрасонии босифати муосир ба мусофирон ва ба кишвари транзитӣ табдил додани Ҷумҳурии Тоҷикистон саҳми арзандаи худро гузошта истодаанд.

Авиаторони Тоҷикистон аз рӯзи таъсисёбии соҳа то ба имрӯзҳо дар ҳамагуна шароит, хусусан дар даврони мушкили кишвар фаъолияташонро қатъ накарда, ба хотири пешрафти соҳа ва шукуфоии ватанамон заҳмат кашиданд. Итминонамон комил аст, ки минбаъд низ кормандони шарафманди соҳа барои таъмини амнияти парвозҳо ва таъмини бехатарии авиатсионӣ, хизматрасонии босифат нақшаҳои наву муфидро тарҳрезиву амалӣ намуда, гомҳои устуворро дар роҳи рушди соҳа мегузоранд.

Вобаста ба ин рӯйдоди таърихӣ мехоҳам собиқадорон ва кормандони соҳаи авиацияи граждании Ҷумҳурии Тоҷикистон ва сокинони шарафманди кишварро бо ин ду рӯйдоди муҳим - иди Истиқлоли давлатӣ ва 100 - солагии Рӯзи авиацияи граждании Тоҷикистон табрик гуфта, ба якояки шумо тансиҳативу хонаободиро таманно дорам. Ҳамчунин, ба тамоми кормандони соҳаи авиасияи гражданӣ ва ҳамаи онҳое, ки дар рушди ин соҳаи муҳим саҳми хешро гузоштаанд, саломатӣ, хушбахтӣ, ҳамеша осмони соф ва зиндагии осудаю пур аз хурсандиро орзу менамоям.