Назаре ба таърихи корхона

Таърихи ташаккули хадамоти танзими ҳаракати ҳавой ё аэронавигатсия дар Ҷумҳурии Тоҷикистон аз аввалин парвози ҳавопаймо ба Ҷумҳурии Тоҷикистон оғоз меёбад. Бешубҳа, ин ибтидои фаъолияти авиатсионӣ дар ҷумҳурӣ арзёбӣ мешавад. Таърихи авиатсия ё аэронавигатсия аз соли 1921 оғоз мегардад, зеро таъсис ва рушди аэронавигатсия дар қаламрави собиқ Тоҷикистони шӯравӣ аз 17 январи соли 1921, аз санаи нашри ҳуҷҷат бо имзои В.И. Ленин «Оид ба ҳаракати ҳавой дар фазои ҳавоии ҶШФСР ва дар минтақаи обии он» сарчашма мегирад. Ҳуҷҷати мазкур аввалин санади расмии танзимкунандаи ташкили алоқаи ҳавой дар кишвари ҷавони шӯравӣ маҳсуб меёфт.

15 июли соли 1923 дар Иттиҳоди Шӯравӣ аввалин хатсайри ҳавоии доимӣ кушода шуд, тайёраҳо тавассути он дар самти Москва - Нижний Новгород парвоз анҷом медоданд. Кишвари навбатӣ барои роҳандозӣ намудани алоқаи ҳавой Ҷумҳурии Тоҷикистон интихоб шуд ва ин тааҷҷубовар нест, зеро Тоҷикистон кишвари кӯҳӣ буда, бидуни ҳавопаймо рушди ҳамаҷонибаи онро тасаввур кардан душвор буд. Бо назардошти он ки 93 фоизи масоҳати умумии ҷумҳуриро кӯҳҳо ташкил медиҳад, сохтмони роҳҳои автомобилгард ва махсусан