Катрон биёмад ва бозгуфт Сурхи Кофар гуфт:
Армяншоҳ ақл надорад. Намедонад, ки асоси дунё чунин афтодааст. Ҳеҷ кас чун аз модар бизод, чизе бо худ наёварад. Ҳама аз ҷойҳо ба даст оранд, бибаранд ва билузанд ва бибахшанд ва бикӯранд ва худро подшоҳ созанд ва аз чоҳи мардум. Оқилон донанд, ки кори олам чунин аст. Бо ин ҳама мо ба мардӣ овардем. Шоҳи шумо низ мардон дорад. Бигӯй, то биёянду бибаранд.

Катрони паҳлавон бозгашт ва бо Армяншоҳ бигуфт.
Шоҳу вазир ва дигарон гуфтанд: «Рост мегӯяд».
Пас Катрон ба майдон бозомад ва пеши Сурхи Кофар замоне бибуд ва набард озмуд. Сурхи Кофар гуфт:
-- Эй паҳлавон, то кай моро дар интизор медорӣ?
Чун аз ин дасторча чизе барнаомад, биё то пеши Хуршедшоҳ равем.

Катрон гуфт То табли осоиш бизананд, мо дар майдон озмоиш кунем. Он гоҳ бо ту биёям, ки аз ҷиҳати зану фарзанд дил машғул будам. Иншонро дар шаҳр пинҳон кардам ва фориғбол гаштам.

Ин бигуфт ва замоне бо Сурхи Кофар дар майдон бинишастанд. Пас найза бигардонид ва бо Сурхи Кофар пеши Хуршедшоҳ омад ва хизмат кард.

Чун Армяншоҳу Қизилмалик ва паҳлавонон бидиданд, ҳама дилтанг шуданд. Паҳлавонон гуфтанд:
Эй шоҳ, дидӣ, ки Катрон ноҷавонмардӣ кард ва ки шуд.

Сайлами паҳлавон, бародари Катрон пеши Армяншоҳ истода буд, аз қаҳр пушти дасти худ ба дандон меканд. Фарёд аз вуҷуди ӯ бармеомад ва ба хештан мепечид. То ҷойдоре буд аз оини Катрон, номи ӯ сокит буд, хизмат кард ва гуфт Эй шоҳ, агар ман биравам ва Катронро бо Сурхи Кофар ҳар ду бозоварам, шоҳ маро чӣ диҳад?

Шоҳ гуфт
Агар ту ишонро бозоварӣ, шаст ҷаюр тимор ноин
Катрон ба ту арзонӣ дорам.

Ин бигуфт ва табли осоиш бизананд ва ҳар ду лашкар бозгаштанд.