Чист он ходими камарбаста,
Як тан асту ҳазор сар дорад.
Ҳар кӣ ўро барад бар хонаи хеш,
Хоки пояш ба дида бардорад.
(Ҷорўб)
Сар-сари девор меравад,
Рўдакашолон меравад.
(Сўзану ришта)
Аз асп баланд, аз охур паст.
(Зин)
Чун осиё гардиданаш,
Чун аждаҳо ғурриданаш,
Оҳанхўру оташфишон,
Мори сиёҳ бар гарданаш.
(Чархи кордтезкунӣ)
Аҷоиб луъбате хушкор бошад,
На онро хобу на бедор бошад.
Гуле дорам, ки он бехор бошад,
На дар дашту на дар кўҳсор бошад.
(Илм)
Як порча замин доштам,
Тухми сиёҳ коштам.
Бо чашми худ бидидам,
Бо ақли худ шинохтам.
(Китоб)
Чист он, ки аз забон нишон гирад,
Гарданаш дасти хусравон гирад.
Хар киро сар зананд, ҷон бидҳад,
Чун сари он зананд, ҷон гирад?
(Қалам)
Уштур қуланги бедум,
На ҷав хўрад на гандум.
Об хўрад зи дарё,
Бор кашад ба мардум.
(Қатора)
Аспе дорам ҷафокаш,
Обу равған хўрокаш.