М. ДИЁРӢ.

Гулдаста

Нақарот:
Пахта-пахта, ҷон пахта,
Руида чун гулдаста,
Дар чамани колхозҳо,
Кушода раста-раста.

Саҳро мисли гулистон,
Монанди боғу бӯстон,
Пахтаҳо ҳар сӯ хандон,
Хандон, хандон бишкуфта.

Нақарот:

Пахта неву тиллост ин,
Роҳатбахши дилҳост ин,
Ҳосилхезу зебост ин,
Ниҳолаш чун гул раста.

Нақарот:

Колхозчӣ-пахтакорон
Хушнуду шоду хандон,
Баҳри иҷрои плон
Миёнро маҳкам баста.

Нақарот: