Ба Пирон бифармуд пас шаҳрёр,
Ки Кайхусрави шумро эдар ор!

Зи Мочин биёвар, ба модар диҳаш,
Бар ў ҳар сўе дор баста раҳаш!

Фиристод Пирон ҳам андар замон
Фиристодае бар ҳаюни чамон.

Биёвард пури Сиёвахшро,
Ҷавони хирадманди ҷонбахшро.

635 Супурдаш ба модар бад-он ҷойгоҳ,
Баромад бар ин низ якчанд гоҳ.

Чу Геви диловар ба Туронзамин
Бад-ин сон ҳаме гашт андўҳгин,

Чунон шуд, ки рўзе пурандеша шуд,
Ба наздикии номвар беша шуд.

Бад-он марғзор андаромад дижам,
Ҷаҳон хурраму Гевро дил ба ғам.

Замин сабзу ҷўе пур аз об дид,
Ҳама ҷои оромишу хоб дид.

640 Фуруд омаду аспро даргузошт,
Бихуфту ҳаме дил пурандеша дошт.

Ҳаме гуфт: «Моно, ки деви палид
Бари паҳлавон буд, к-он хоб дид.

Зи Кайхусрав эдар наёбам нишон,
Чӣ дорам ҳаме хештанро кашон.

Кунун гар ба разманд ёрони ман,
Ба базм-андарун ғамгусорони ман,

Яке номҷўю дигар шодрўз,
Маро бахт бар гунбад афшонд кўз.

645 Ҳаме барфишонам ба хира равон,
Хамида равонам чу хамми камон.

Ҳамоно, ки Хусрав зи модар назод
В-агар зод, додаш замона ба бод.

Зи ҷустан маро ранҷу сахтист баҳр,
Анўша касе, к-ў бимирад ба заҳр».

Дили пур зи ғам гирди он марғзор
Ҳаме гашт, шаҳро шуда хостор.