Яке найза зад ҳамчу Озаргушасп,
Зи кўҳа бибурдаш суи ёли асп.

Зи нерўи аспону аз захми сахт,
Фаромарзро найза шуд лахт-лахт.

Зи Тўрон сарон сўи ўй омаданд,
Пур аз кину пархошҷўй омаданд.

165 Бидонист Сурха, ки поёб ўй
Надорад, ғамӣ шуд, бупечид рўй.

Пас андар Фаромарз чун пили маст
Ҳаме тохт бо теғи ҳиндӣ ба даст.

Саворони Эрон ба кирдори дев,
Дамон аз пасаш баркашида ғирев.

Фаромарз чун Сурхаро ёфт, чанг
Биёзид бар сони тозонпаланг.

Сиёвахшро хун бирезӣ ба хок,
Натарсӣ зи додору нояд-т бок.

Ту боре чӣ номӣ дар ин паҳндашт,
Ки марг андар ин дашт сўи ту гашт?»

Бад-ў гуфт, Сурха, ки «Инҳо магўй,
Чӣ донӣ, ки гетӣ чӣ орад ба рўй,

Манам Сурха аз тухми Афросиёб,
Ки сўзад зи бимам наҳанг андар об.

Аз он омадам сўи майдони ту,
Ки аз тан раҳонам магар ҷони ту.

Бигуфту яке найза зад бар камар,
Наҷунбид бар зин гави номвар.

Бихандиду гуфташ: Бубин зўри пил,
Ки гардад ҷаҳон пеши чашмат чу Нил.