Бояд гуфт, ки ин усул дар таълимоти софизм низ дида мешавад. Аммо чӣ Суқрот ва чӣ пайравони софизм дар роҳи ҷустуҷӯи як нуқтаи умумӣ қарор доштанд. Ин ҳам бошад, бартарияти фикрронии ақлонии одам, дониш ва шуурнокии ӯ, рафтори фардӣ ва ҷамъиятии одамон нисбат ба дигар мавҷудоти зиндаи олам буд. Бартарияти Суқрот боз дар он буд, ки ӯ доимо аз одамон ҷавоби ҳақиқатро интизор буда, ба зинаи инкишофи одамӣ баҳои баланд медод ва пайваста фикрронии одамонро мулоҳиза карда, хулоса мебаровард ва боз саволҳои навро андешаронӣ менамуд.

Аксари олимон боз дар андешаи муносибати Суқрот ба дин мебошанд. Аммо ҷавоби аниқро гуфта наметавонанд, чунки ҳоло ҳам фалсафаи Суқротро ба пуррагӣ дарк накардаанд.

Агар аз нигоҳи хештаншиносӣ гӯем, ӯ дар ҳақиқат ба қувваи доимии Илоҳе, ки ба тағйирнаёбандагии ҳақ боварӣ дошта, ӯро доимо ҷустуҷӯ мекард, эътимод дошт, ки чунин қувва вуҷуд дорад ва ақли одамӣ онро бояд шинохта гирад ва мувофиқи он низом рафтор ва ба атроф муносибат намояд. Яъне ӯ боварӣ ба як қоидаи олии ҳаракат, ташаккул, ҳақиқату адолатпарастӣ доштааст, ки дар ҷомеа пайваста ҳукмфармо бошад.

Бинобар ин, ӯ оиди давлату ҷамъият диққати махсус дода, доимо роҳбаронро барои хештаншиносӣ ҳидоят мекард. Гарчанде Суқрот оиди системаи давлатдорӣ ва ҷомеаи замони худ кам ҳарф мезанад, бояд гуфт, ки солҳои 404-ум пеш аз милод, баъд аз сарнагун кардани давлати олигархӣ дар Афина демократия барқарор карда шуда буд, ки арзишҳои беҳтарини инсониро дар баробари демократияи форсҳо дар таърих боқӣ мондаанд. Суқрот дар замони тевӯтундии демократияи Афина умр ба сар бурда, Афлотун бошад, 10 сол пеш аз ҳуҷуми македониҳо дар Юнон, аз дунё гузаштааст.

Чуноне ки дар боло қайд кардем, вохӯрии Афлотун бо Суқрот хотирмон буд. Ин пеш аз ҳама дар он буд, ки Афлотун баръало нобудшавии миллати худро дар нодурустии раванди сиёсии давлатдорӣ дида, дар андешаи он шуд, ки ягон роҳи дурусти инкишофро коркард ва ба давлат пешниҳод намояд. Ин идеализмро баъдтар кор карда баромад, ки онро нишонагирӣ ба инкишофи иҷтимоии ҷомеа номидан мумкин аст. Таълимоти Афлотун оиди «Давлат» доир ба азнавбарқарорсозии системаи пӯсидаи ҳокимиятдорӣ буда, ӯ доимо даъват ба