Гурўҳи дуввум нуқсонҳое мебошанд, ки боиси харобии вазни
мисраъҳо гаштаанд. Дар мисраъи зер калимаи гулшан ба ҷои гулаш вазнро халалдор кардааст:

Зулм бошад агар аз барги гулшан (?) пераҳан аст.

Анбар ба ҷои абир:
Дар шабистони сари зулфи анбарафшонат (?).

Бин ба ҷои бубин:
Дурр суфтаам аз ишқ бин (?) санъати устод.

Шароб ба ҷои шурб:
Сўҳбати ёрони хуш, сўҳбату шароби (?) мудом.

Зи ба ҷои аз:
Зи (?) оби Хуҷанд бигзару кўҳ.

Бо ба ҷои ба:
Маро сўхтиву бо (?) ў сохтӣ.

Бипўшид ба ҷои бипўшидӣ:
Рухи рангин зи муште хас бипўшид (?), вале хасро.

Гуфтам ба ҷои гуфтем:
Як нукта аз ин дафтар гуфтаму (?) ҳамин бошад.

Хонадаш ба ҷои хонданаш:
Дил, ки дилдоре надорад, дил нашояд хонадаш (?).

Хўрдам ба ҷои хўрам:
Гуфтӣ: «Ғами ту хўрдам (?) чӣ донӣ».

Агар ба ҷои гар:
Туро агар (?) бевафо гуфтам, чӣ гуфтам?

Даме ба ҷои дӣ:
Даме (?) гуфтамаш бигаз лаби худ ё бидеҳ ба ман.

Дур ба ҷои дурӣ:
Он беҳ, ки дар дур(?) чунин холӣ надорам ҷомро.

Тавба, зуҳд, вараъ ба ҷои тавбаву зуҳду вараъ:
Ў зулф бишкасту Камол аз тавба, зуҳд, вараъ (?).

Сад ба ҷои зи сад:
К-аз он мижгон сад (?) новак, саду як мерасад моро.