Ҳусейнзода, санъаткорони бузург, устодони "Шашмақом" Шоҳбарот, Сувнатуллоҳҷа, Тӯйчӣ Ҳофизи Тошкандӣ. Устоди "Шашмақом" Умар Ҳофизи Исфарагӣ мешинохтанд. Ӯ аз онҳо таълим гирифта, санъати ниёгонро ба шогирдон меомӯзад. Ӯ аввал мактабҳои Шӯравиро дар бисёр гӯшаҳои Тоҷикистон ташкил кардааст. Ӯ аз ҷумлаи шахсонест, ки алорағми инкоркунандагони халқи тоҷик барои ташкилшавии Ҷумҳурии Тоҷикистон дар ҳайати Иттиҳоди Шӯравӣ фаъолона ширкат варзида, бо Михаил Иванович Калинин ва Абдулло Раҳимбоев баҳсу талош кардаанд. Аммо муфаттиши НКВД танҳо як мақсад дошт, ҷавобгар ба гуноҳҳояш иқрор ва айбнома имзо кунад. Боре мили тапончаашро ба дили ӯ рост кард, суханҳои қабеҳ гуфт, ҷавони хунгарм омурзиши гуноҳҳояшро аз Худо дар рӯзи ҷазою бозхост талаб кард у бо сиёҳдони вазнини рӯи миз ба сари муфаттиш зад ва маҷоли ба худ омадан надода, ба гулӯяш пошнои мӯзаашро монда зер кард. Посбонон давида омада муфаттишро аз марги яқин наҷот доданд ва ҷавобгари исёнкорро зери мушту лагад гирифтанд. Муфаттиши прокуратура марди бомаърифат ва санъатдӯст будааст. Аз ҳунари маҳбус огоҳ шуда, бо ӯ дар пинҳонӣ сӯҳбатҳои хоса меорост. Зиндонии ҳунарманд бо муфаттиши нав унс гирифта, ба ӯ маҳорати навозандагиро, ки Умар Ҳофиз низ аз Тӯйчӣ Ҳофиз маҳорат омӯхта буд, ёд медод. Аз рӯзгор ва мероси бузурги устодони "Шашмақом" Зебопарӣ, Содирхони Ҳофизу Тӯраҳофиз ва Абдуқаҳҳор Ҳофиз нақлу ҳикоятҳо мекард. Аз сабкҳои устодон ёдовар мешуд. Усто Исомиддини аробасоз сохтани танбӯру дутор барин созҳоро чун як навъ воситаи вақтхушию андармонӣ дӯст медошт. Агар кори таъҷилие надошта бошад, вақташро дареғ надошта, бо ин кори реза шуғл меварзид. Аз навои форами танбӯр ҳаловату фароғат мекард. Созу садои танбӯр ба гӯши Ибниамин, ки он вақт сенздаҳ-чордаҳсола буд, хуш мерасид. Падар медид, ки ба машқи ӯ чӣ гуна завқу кайфият мебарад. Пай бурдан душвор набуд, ки ҳар садою навои танбӯр қалби пурхурӯши наврасро ба ҷӯш меорад. Маҳорати дарки мусиқӣ, нофаҳмии гузарбандро дида падар ба завқи