Саодат бубинеду умри дароз.
Набинад хазон рӯзгори шумо,
Гули орзуи баҳори шумо
Ба олам ҳамеша фурӯзон шавад,
Чароғи дили нурбори шумо.
Шумо эй ҷавонони ошиқнавоз,
Саодат бубинеду умри дароз.

Даври лабони нозук
Даври лабони нозук бишкуфт хандаи ту
Аз сеҳри чашми мастат дил гашт бандаи ту.
Акнун миёни хубон дар роҳи сидқу паймон,
Моро раҳоие нест аз рашки гандаи ту.
Дар синаам зад оташ ишқат, дигар чӣ гӯям,
Дар оташи муҳаббат дил аст зиндаи ту.
Чашми ту бурд дилро кӯи ба кӯ паи хеш,
Ман садақраи ду чашми аз раҳ занандаи ту.
Пинҳон аз чашми мардум аз чашми ман хӯрад об
Оҳуи беқарори чашми рамандаи ту.

Хаёли ширин
Гар назаре ба мо кунӣ,
Хандаи дилкушо кунӣ,
Дар дили беқарори ман
Олами ишқ ҷо кунӣ.
Умри ҳазор мебарам.
Кайфи баҳор мебарам.
То саҳарам ба бӯи ту
Чашму дилам ба сӯи ту,
Оҳ агар ки дасти ман
Баста шавад ба мӯи ту.
Умри ҳазор мебарам.
Кайфи баҳор мебарам.
Тоби ману тавони ман,
Рӯҳи ману равони ман,
Гар ту шавӣ аз они ман,
Ханда кунад ҷаҳони ман.
Умри ҳазор мебарам.
Кайфи баҳор мебарам.