Рафту ў агар ба назди ман меомад, ман ҳамин суханонамро дар рўяш мегуфтам. Афсӯс ки дар хонаи ў мо ҳатто воситаҳои пинҳонии қабули мавҷро нагузоштем, вагарна ин дурӯғашро ҳам собит менамудем. Аз шумо хоҳиш мекунам, ки дар ҳамин бора ба роҳбаратон суҳбат намоед.

• Албатта.
• Чун шумо ҳам дар атрофии шикояти вай чорае наандешидед, гумон мекунам, ки ҳисоби хешро дар ин самт бо ў баробар кардаем, мисли оне ки Илёс Базна ҳисобу китобашро бо Германияи фашистӣ барбар намуда буд51.
• Яъне, ки мо ҳеҷ чизро бо ҳеҷ чиз харидем.
• Аз ин бармеояд, ки шумо ҳам китобҳои Людвиг Мойзиш ва Илёс Базнаро хондаед?
• Ҳа, чандин сол пеш чунин имконият ба ман ҳам даст дода буд ва имрўз, ки шумо дар ин бора ёдовар шудед…
• Ҳафтае пеш ман ин китобро хонда тамом намудам ва бовар намоед ҳатто ба он марди турк аҳсант гуфтам.
• Ба фикрам Илёс Базна аз рӯйи нафс ба чунин амал даст задааст.
• Аксарияти авантюристонро ҳамин нафсашон ба зери дор мебарад.
• Гумон доред, ки қаҳрамони моро ҳам нафс аз роҳ баровардааст?
• Бо ин савол беҳтар мешуд, ки ба ҳамон бонуе, ки нақши ангуштонашро чун туҳфа дар телефон-автомати рақами 228 гузоштааст, муроҷиат мекардед.
• Агар ўро ёбам.
• Дил хоҳад аз чашми кӯр ҳам об меравад.
• Ба андешаи шумо мақсаду мароми ман дигар аст?
  -Мақсаду мароматон дигар нест, вале роҳи пешгирифтаатон тағйироти куллиро мехоҳад.
  -Яъне, ки мо он бонуро бояд бе ёрию дастгирии Бонози Даврон ёбем.
  -Роҳи дигареро намебинам.
  -Ман ҳеҷ намефаҳмам, ки чаро шумо мутлақо зидди он ҳастед, ки мо аз «хизмати» Бонози Даврон истифода барем.

51
Нигар ба асарҳои Л.Мойзиш «Амалиёти Ситсерон ва И.Базна
«Ситсерон ман будам».