Аммо соате пас худи Одина Валихон ба гўши сардор хабар расонид, ки ҷустуҷўй натиҷае надод.

• Шояд ба мақсади хеш расидаву ин мавзеъро тарк намудааст, - изҳори нигаронӣ намуда сардор.
• Намедонам.
• Оё шумо набудед, моро ҳушдор сохтед, ки ба умеди як кайк шуда пӯстинро оташ назанем! - дар ғазаб шуда гуфт Ҳикмат Зариф.
• Одамӣ шири хомхўрда, - посух дод Одина Валихон.
• Шири хомхўрда мегўй? Шумо на худатон кор мекунед ва на имконият медиҳад, ки дигарон кор кунанд.
• Бубахшед.
• Бубахшед будааст! Оё андеша накардед, ки рафту вай дар бораи дипломати зормонда хабар гирифта бошад, он ду нафареро, ки дипломатро бо худ бурдаанд, чӣ хатаре таҳдид мекунад?
• Онҳо бад кардаанд ва бад мукофот мегиранд.
• Мо намедонем, ки дар он дипломат чи буд, ҳамин хел?
• Ҳа, намедонем.
• Рафту дар дипломат ягон ҳуҷҷати дорои аҳамияти стратегӣ бошад - чӣ?
• Ба гумон аст.
• Чӣ хел ба гумон аст?
• Чунки ҳеҷ кас хуҷҷатҳои дорои характери стратегӣ доштаро бо чунин тарз намефиристад.
• Ба фикрам, маро дуруст нафаҳмидед.
• Чӣ хел?
• Рафту Сайёд Ватан ҳуҷҷатҳои дорои характери стратегӣ доштаро чун курер ба касе аз хориҷи кишвар нияти супурдан дошт.
• Яъне, ки бо роҳи ҷосусӣ?
• Бале.
• Инаш аҷиб.
• Чаро?
• Зеро он ду нафаре, ки дипломатро бо худ бурданд, ҳаргиз барои ким - кадом ҳуҷҷате думро аз он маҳал хода намекарданд.