• Субҳи шумо ҳам...
• Дуюм, ман Марказ, қабул.
• Марказ, шуморо гўш мекунам.
• Дуюм, артист бо намуди зоҳирии худаш аз бино мебарояд. Баҳри ба ягон ихтилофот роҳ надодан амр медиҳам, ки ўро аз лаҳзаи баромадаш аз ҳуҷраи иҷоравӣ ба зери васигии хеш гиред!
• Марказ, шуморо фаҳмидам.
• Дуюм, ба ёрии шумо гурўҳи сеюм фиристода мешавад. Назорати объекти асосиро аз хотир набароред.
• Сеюмро, ки фиристодед, Хушдил Одил бе назорат мемонад, - эътироз намуд Тоҳир Додобоев.
• Назоратро аз болои Хушдил Одил ба зиммаи шумо ва сержант Хайриддини Саидумар месупорам.
• Иҷозат диҳед, аз пайи супориши шумо шавам.
• Иҷозат.
• Итоат, рафиқ полковник, - гўён сардори бахши кофтукови ҷиноятӣ аз дар баромад.
• Сеюм, ман Марказ, ба алоқа бароед.
• Марказ, Сеюм дар алоқа, қабул.
• Сеюм, шумо ба гурўҳи дуюм ҳамроҳ шавед. Сарварии гурўҳи якҷояро ба души шумо мегузорам, қабул.
• Марказ, шуморо фаҳмидам.
• Дуюм, шуморо нашунида истодаам.
• Марказ, амри шуморо фаҳмидам, Дуюм, қабул.
• Диққат ба ҳама. Амалиёт "Сангчарх" номгузорӣ карда мешавад, қабул.
• Марказ шуморо фаҳмидам.
• Якум...
• Дуюм...
• Сеюм...

---

Бо ҳама дермонию эҳтиёткории хеш Ҳусейн Акбар, ҳангоме ки як пояш дар перону пойи дигараш дар зинаҳои қатораи Душанбе - Астрахан буд, бо "Сангчарх" рў ба рў шуд. Ў ҳатто имконияти эътироз намудан наёфта буд, ки ҳалқаҳои ялаққосии завлона дар дастонаш тоб хўрданд.