Мунтахаби ғазалиёт

Мунтахаби ғазалиёти Мавлоно Ҷалолуддини Румӣ бо муқаддимае дар бораи зиндагӣ ва осори шоир. Таҳияи Асрори Раҳмонфар ва Мубашшир Акбарзод.
Агенти Зеҳнӣ · 15 ноябри 2026 · 71 саҳифа
Ҷону дил зафт кунанду тани лоғар гиранд.
Бас кун, ин лаклаки гуфтор раҳо кун пас аз ин,
То суханҳо ҳама аз ҷони мутаҳҳар гиранд.
Аз дилам сурати он хуби Хутан менаравад,
Чошнии шакари ӯ зи даҳан менаравад.
Баллаҳ, ар шӯр кунам ҳар нафасе, айб магир,
Гар бирафт аз дили ту, аз дили ман менаравад.
Ҳама мурғон зи чаман ҳар тарафе мепарранд,
Булбули бедил як дам зи чаман менаравад.
Ҷони парвонаи мискин, ки муқими лаган аст,
Тани ӯ то бинасӯзад, зи лаган менаравад.
Булҳасан гуфт Ҳасанро, ки аз ин хона бирав,
Булҳасан низ дарафтоду Ҳасан менаравад.
Расани дӯст чу дар ҳалқу дилам афтодаст,
Лоҷарам чанбари дил ҷуз ба расан менаравад.
Мурғи ҷон аз қафаси қолаби ман сер шудаст,
В-аз умеди назари дӯст зи тан менаравад.
Ҳала, пайваста сарат сабзу лабат хандон бод,
Ҳала, пайваста дили ишқ зи ту хандон бод.
Ғампарасте, ки туро бинаду шодӣ накунад,
Ҳама сарзеру сияҳкосаву саргардон бод.
Чунки сар зер шавад, тавба кунад, боз ояд,
Неку бад нек шавад, давлати ту султон бод.
Нури Аҳмад наҳилад габру ҷуҳуде ба ҷаҳон,
Сояи давлати ӯ бар ҳамагон тобон бод.
Гумраҳонро зи биёбон ҳама дар роҳ орад,
Мустафо бар раҳи ҳақ то ба абад раҳбон бод.
Он хаёли хуши ӯ машъалаи дилҳо бод,
В-он намакдони хушам бар забари ин хон бод.
Камтарин соғари базми хуши ӯ шуд Кавсар,
Дили чун шишаи мо ҳамқадаҳи эшон бод.
Шамси Табрез, туӣ воқифи асрори расул,
Номи ширини ту ҳар гумшударо дармон бод!
Ҳар кӣ аз ҳалқаи мо ҷои дигар бигрезад,
Ҳамчунон бошад, к-аз самъу басар бигрезад.
З-он хурад хуни ҷигар ошиқ, зеро шер аст,
Шердил кай бувад он, к-ӯ зи ҷигар бигрезад?
Дил чу тӯтӣ буваду ҷаври дилором шакар,
Тӯтие дид касе, к-ӯ зи шакар бигрезад?
Пашша бошад, ки ба ҳар боди мухолиф биравад,
Дузди шаб бошад, к-аз нури қамар бигрезад.
Ҳар сареро, ки Худо хираву колева кунад,
Садри ҷаннат биҳилад, суи сақар бигрезад.
В-он ки воқиф бувад аз марг, суи марг гурехт,
Сӯи мулки абаду тоҷу камар бигрезад.
Чун қазо гуфт: фалонӣ ба сафар хоҳад рафт,
Он кас аз бими аҷал сӯи сафар бигрезад.
Бас куну сайд макун, он ки наярзад ба шикор,
Ки хаёли шабу шаб ҳам зи саҳар бигрезад.
Нанги олам шудан аз баҳри ту нанге набувад,
Бо дили мурдадилон ҳоҷати ҷанге набувад.
Ишқ ширинии ҷон асту ҳама чошнӣ аст,
Чошнию мазаро сурату ранге набувад.
Ишқ шохест зи дарё, ки дарояд дар дил,
Ҷои дарёву гуҳар синаи танге набувад.
Соҳили нафс раҳо кун, ба таки дарё рав,
К-андар ин баҳр туро хавфи наҳанге набувад.
Сурати ҳар ду ҷаҳон ҷумла зи оинаи ишқ,
Бинамояд, чу ки бар оина занге набувад.
Кори рӯбаҳ набувад ишқ, ки ҳар рӯбаҳро
Ҳамлаи шери нару кибри паланге набувад.

Барномасозӣ
Олами Афсонаҳо
Ахбор