6. Даҳони фарангро (дар бозор мефурӯшанд) куфта, бо сирко омезиш дода, ба шукуфа банданд, шифо меёбанд.

7. Олтингӯргирдро бо шилми бодоми талх ва чургот омезиш дода, ба шукуфаҳои пӯст банданд, иншоаллоҳ шифо меёбанд.

8. Сабӯси гандумиро дар об ҷӯшонида, бо сирко ва асал сиришта, ба шукуфаҳои пӯст банданд, шифо ёбанд.

9. Оби турбро бардавом бар шукуфаи пӯст бимоланд, шифо ёбанд.

10. Оби даҳони инсонро ҳангоми дили наҳор бо саргини гунҷишк даромехта, ба шукуфаи пӯст бардавом бимоланд, иншоаллоҳ шифо ёбанд.

11. Наботро кӯфта, бо олтингӯргирд даромехта, ба шукуфаҳои пӯст банданд, шифо меёбанд.

12. Гули сангро кӯфта, гузошта банданд, ҳар гуна шукуфаро шифо мебахшад.

13. Давои озмудаи беҳтарин: талҳои гов, асал, навшотир, замч, даҳони фаранг, сиркои ангуриро кӯфта малҳам карда, рӯзе 2 бор дар ҳаммом даромада молад. Баъди 30-40 дақиқа шуста, равғани зайтун ё равғани зарди кӯҳнаи говӣ молад, иншоаллоҳ дар давоми 20-30 рӯз шифо меёбад.

ШАРО (АЛЛЕРГИЯ)

1). 15 гр бобунаро бо 200 мг об 20-30 дақиқа меҷӯшонанд, баъд рӯзе 3-4 маротиба 1 қошукӣ менӯшанд.