РӮЗИ ИМТИҲОН

Пеш аз сар шудани имтиҳон муаллим ба шогирдон рӯ оварда гуфт:
– Ягон савол доред?
Шогирде пурсид:
– Мо имрӯз аз кадом фан имтиҳон месупорем?

ТАЪРИХ ХЕЛЕ КӮТОҲ БУД

– Вақте ки ман дар мактаб мехондам, – гуфт марде ба писараш, – аз фанни таърих доим баҳои «5» мегирифтам, аммо ту бошӣ, фақат баҳои «3» мегирӣ.
Писар фаврӣ ҷавоб дод:
– Падарҷон, вақте ки шумо дар мактаб мехондед, таърих хеле кӯтоҳ буд.

ПАДАРАМ ХУРӮСАМОНРО КУШТА БУД

Шогирде ба дарс дер омад. Муаллим аз вай пурсид:
– Чаро ба дарс дер омадӣ?
Шогирд ҷавоб дод:
– Дирӯз падарам хурӯсамонро кушт, барои ҳамин дар хоб мондам.