Дар чаман бишкуфта бод гулҳои мақсуди шумо.
Орзу доранд панҷоҳ духтари гулрўи ту,
Доимо бошад шукуфон чун гулситон рўи ту.
Дур бодо дарду ғам аз чеҳраи хандонатон,
Солиму бардам бодо ҷисми ту нерўи ту.
Гарчи як духтар шуморо дар диёри Амрикост,
Лек панҷоҳ духтари дигар шуморо муттакост.
Модарро, осуда бош рўзе башорат мерасад,
К-аз диёри Амрико рўзе Башорат мерасад.
Умратон сад солаҳо бодо тавил устоди мо,
То ба садҳо сол бурдан мо кафил устоди мо.
Кори неку номи некатро муҳофизем мо,
Бе ғараз панди накуят доимо дар ёди мо.
Марти соли 1998

Хайра мақдам
Хайра мақдам эй баҳори нозанин,
Сар кашиданд ҷамъи гулҳо аз замин.
Боз булбул нағмахонон омада,
Бар диёри тоҷики машриқзамин.
Ин заминро ҷон бахш фархундапай,
Чун табиатро туӣ султони ҳай.
Хокро бедор мегардон зи нав,
Хоки хоболудаи тирамоҳу дай.
Эй Худо наврўз ваҳдат оварад,
Ҳам вафову ҳам садоқат оварад.
Миллати овораву саргаштаро,
Ҷамъ гардонад муҳаббат оварад.
Рез эй борони пурфайзи баҳор,
Шуста кун оинаи дил аз ғубор.
Қалбҳоро тоза аз зангор кун,