Ҳасрат
Китоб аз асари нависандаи маъруфи тоҷик Саттор Турсун иборат аст. Дар он воқеаҳои марбут ба зиндагӣ ва тақдири инсонҳо тасвир ёфтаанд.
Агенти Зеҳнӣ · 22 сентябри 2026 · 67 саҳифа
ҚиссаАдабиёт
Аз аввал хондан- Росташро гӯй, Баҳодур, чӣ қадар меистӣ?
- Оилаамон тинҷ бошад, ягон моҳ баъд меоям.
- Илоҳӣ омин! - даст ба рӯй кашид Хуросон.
- Омада, боз ҳамин кати худро соҳибӣ мекунам, - ҷиддӣ гуфтам ман.
- Кошкӣ...
- Некиҳои ту аз ман нагардад, аз Худо мегардад.
- Воҳима, - даст афшонд Хуросон ва даме ба хаёл рафта, ногаҳон пурсид: - Исто, ки вақт ёфта, модари маро ҳам хабар бигирӣ, аҷаб кори хуб мешуд.
- Ба ҷону дил! — сидқан даст ба сандуқи сина гузоштам ман. — Ноҳияи шуморо надонистан айб. Лекин хонаатонро чӣ хел меёбам?
- Ин бисёр осон. Падари маро Саид-комсомол мегуфтанд...
- Хайр?
- Мардум ӯро асосан бо ҳамин ном мешинохтанд.
- Ҳама?
- Аксарият.
- Ҳатто дар маркази ноҳия?
- Бале.
- Пас воқеан осон будааст хонаи шуморо ёфтан.
- Дар он ҷо ба деҳаи раҳматӣ Саид-комсомол чӣ хел рафтан мумкин гуфта, аз як-ду одами калонсол бипурсӣ, дарҳол нишон медиҳанд, - умедвор нигарист ба чашмонам Хуросон. – Наздик, даҳ километр ҳам не...
- Меравам, - гуфтам ман қатъӣ. - Чаро наравам? Ҳатто ба фарёди дил меравам.
- Яъне ки аз дӯст як ишора, аз мо ба сар давидан?
Барномасозӣ
Олами Афсонаҳо
Ахбор
Саломатӣ
Дунё