ДАР ШИНОХТИ ШУМОРАҲО

0. Сифр чист? Як печ аст!
   Дар шумора вай ҳеҷ аст!
1. Қадди Як расо бошад,
   Ранги як асо бошад!
2. Ду мисоли ку зебост,
   Ку мисоли Ду зебост.
3. Се бувад туро дар мушт,
   Се ба сони се ангушт!
4. Даст агар бубардорӣ,
   Пас дигар худат Чорӣ!
5. Панҷаат шумору санҷ,
   Ҳар ду панҷаат - ду Панҷ!
6. Дар навиштан ояд Шаш,
   Сар фурору по даркаш!
7. Пас, нигар, куҷо шуд Ҳафт?
   Вай камар бубасту рафт!
8. Чун ду Сифр ҳамсар гашт,
   Ҳосилаш чӣ омад? Ҳашт!
9. Баъди Ҳашти печон, ӯҳ,
   Саркулӯла омад Нӯҳ!
10. Сифру Як чу ҳамраҳ шуд,
    Пас шумора ҳам Даҳ шуд!