АБДУСАЛОМ ДЕҲОТӢ

Абдусалом Пирмуҳаммадзода Деҳотӣ 14 марти соли 1911 дар маҳаллаи Боғи майдони шаҳри бостонии Самарқанд дар оилаи ҳунарманд зода шудааст. Дар шаҳри Самарқанд хонда, дар шаҳри Душанбе кору эҷод кардааст.

Деҳотӣ барои бачаҳо асарҳои зиёде офаридааст. Маҷмӯаи асарҳои бачагонааш «Ҳадя ба хурдтаракон» (1954), «Бунафша» (1963), «Корвони аҷоиб» (1975), «Баррача» ва монанди инҳо борҳо ба табъ расидаанд.

Бо ордену медалҳо ва ифтихорномаҳои ҳукуматӣ сазовор гардида буд.

Аз соли 1934 узви Иттифоқи нависандагон аст.