КАБУТАРИ СУЛҲ

Андар самои кишвар
Хуршед шуд дурахшон.
Боз о, кабутари сулҳ,
Болои сар пар афшон.

Эй кафтарак, пар афшон,
Эй кафтарак, пар афшон!

Боғу чаман дилоро,
Бин, кӯҳу дашт хуррам.
Бингар Ватан чӣ зебост,
Бигзор гум шавад ғам!

Эй кафтарак, пар афшон,
Эй кафтарак, пар афшон!

Дунёи мост зебо,
Бо сулҳ, эй кабутар.
Дар сар ҳавои дониш,
Дар дида меҳри модар.

Эй кафтарак, пар афшон,
Эй кафтарак, пар афшон!