УБАЙД РАҶАБ

Убайд Раҷаб 15 майи соли 1932 дар деҳаи Нигноти ноҳияи Панҷакент таваллуд ёфтааст. Ҳатмкардаи Донишкадаи давлатии омӯзгории Душанбе ба номи Т.Г. Шевченко бо дипломи аъло мебошад.

Убайд Раҷаб асосан барои бачагону наврасон эҷод мекард. Муаллифи маҷмӯаҳои шеърии «Орзуҳои ширин» (1958), «Қиссаҳои модаркалон» (1958), «Ҳамсӯҳбати ширинзабон» (1963), «Нинӣ чӣ ном дорад?» (1964), «Саду як барг» (1970), «Рӯи замин» (1974), «Хӯшаи гандум» (1978), «Ману ҷӯраҳои ман» (1981), «Як донаи марворид» (1984), «Тиру камон дар рӯи бом» (1987) ва ғ.

Бо Ҷоизаи давлатии Тоҷикистон ба номи Абӯабдуллоҳи Рӯдакӣ (1987) мушарраф гардидааст.

Шоири халқии Тоҷикистон (1994).

Аз соли 1962 узви Иттифоқи нависандагони Тоҷикистон буд.

11 августи соли 2004 аз олам даргузашт.