АШЪОРИ УСТОДОН ВА ДӮСТОН

Барои Бахтиёри азиз
Муртазой ба толеъи фирӯз,
Ходими рӯзнома аст имрӯз.
Мисли ӯ ман надидаам некӯ,
Ҷӯраи ҷонаҷонии дилсӯз.
Устод БОЗОР СОБИР, Наврӯзи 1983
(Дар муқоваи китоби «Офтобниҳол»)

БА БАХТИЁР МУРТАЗО

Як лаҳза чеҳраат зи муқобил намеравад, Аз дида гарчи меравад аз дил намеравад.
Устод Бозор Собир (Устод Бозор Собир китоби худ «Лолаи сиёҳ»-ро бо чунин байт тақдими банда намуданд).

---

Ҳар чӣ моро аз адаб буд муқтазо,
Ёфтем аз Бахтиёри Муртазо.
Аскар Ҳаким,
Шоири халқии Тоҷикистон

ШОДБОШӢ

ба шодмонии ҷашни шастсолагии адиби маҳбуб,
устод Бахтиёр Муртазо

Дӯст, эй дӯст, ёри ҷонии мо,
Эй сухангӯи достонии мо.

Дар навишти ту сарнавишти халқ,
Ғаму шодии зиндагонии мо.