Байкалу Амур (БАМ) диққати нависандаи публитсистро ба худ ҷалб намуда бошад, дар марҳилаи дуюм кандани накбҳо, сохтмони роҳҳо ва неругоҳҳои обию барқӣ мавриди инъикоси осори ӯ қарор гирифтааст. Манфиати сохтмон, нақши шахсиятҳо дар бунёди он ва аҳамияти меҳнат дар рӯзгор боис гардида, ки адиб ба ин масъалаҳо эътибори хосса диҳад.

Дар инъикоси масъалаҳои кишоварзӣ публитсист дар замони шӯравӣ ва давраи соҳибистиқлолӣ таваҷҷуҳ зоҳир намуда, ташкили хоҷагиҳои деҳқонӣ, азхудкунии заминҳои бекорхобида, технологияи нави кишту кор, баланд бардоштани ҳосилнокии маҳсулоти хоҷагии халқ ва амсоли инро мавриди тасвир қарор додааст. Дар очеркҳои солҳои охир навиштаи адиб дигар паҳлуҳои соҳаи кишоварзӣ мавриди таҳлилу арзёбӣ қарор гирифтаанд. ТаҷАССУМИ масъалаҳои кишоварзӣ, нишон додани ҳалли масъалаҳо ва беҳтар кардани фаъолияти хоҷагиҳои деҳқонӣ дар паст намудани сатҳи камбизоатӣ мусоидат мекунад, ки адиб ба ин мавзӯъ бо маҳорати касбӣ муносибат намудааст.

Дар очеркҳои нависандаи ҷӯянда Бахтиёр Муртазо масъалаҳои ахлоқӣ низ дар контексти мавзӯъҳои гуногун, аз ҷумла сохтмон ва кишоварзӣ баррасӣ ва арзёбӣ шудааст. Муаллиф дар ҷараёни тасвири воқеаҳои мухталиф, нишон додани муносибати қаҳрамонон ба касбу вазифа, ҳамкорон, тобеон ва лаҳзаҳои дигар хислатҳои неки инсонӣ, амсоли муносибату муоширати хуби қаҳрамонҳо, ҳамдиливу ҳаммаромии онҳо, ҳамдигарро дастгирӣ намудан, дар шодиву ғами якдигар шарик будан, асоси зиндагиро дар меҳнати ҳалол дидан, ба қадри зиндагӣ расиданро тараннум намуда, ба ин минвол ҷанбаи ахлоқӣ ва тарбиявии осорашро пуркувват гардонидааст.

Очеркҳои нависандаи маъруфи тоҷик Бахтиёр Муртазо, асосан, ҳаёти ибратомӯзи инсонҳои кору пайкорро фаро гирифта, дар онҳо ҷараёни ташаккули хислати қаҳра-