• Мехоҳӣ арӯсат биёрам?
• Аввал худат мӯй барор, ки хунук нахӯрӣ.
• «Ҳа» бигӯ, он тарафаш осон.
• Хуб, раҳгардон шавам...
• Баъд киро мегирӣ?
• Ягон бандаи хокиро.
• Зангирӣ бозӣ нест, бо ман маслиҳат бикун.

Бемор ба ниҳоли ғарқи гули шафтолу менигарад. Ҷинси латиф ба ӯ ниёз надорад. Ғалат гуфт, рағбаташ пир шудааст. Мегӯӣ барқасд ба чоҳе зада ғалтондандаш. Ханда дар лабҳояш ях баст.

• А бача, шаб рӯз шуд, бигӯ муроди дилатро?
• Ҳайронам зан бигирам ё не?
• Ба худ бовар надорӣ, нагир.
• Дилама хунук накун, ошно.
• Ту зеби девонаи Моҳбӣ дорӣ.
• Ягон сиҳаташа наёфтӣ?
• Гули Қандалӣ — чӣ?
• Ӯро худат бигир.
• Шӯнокарда кӣ монд?
• Духтари Муллои Самад.
• Хоҳари Санги дароз?
• Ёфтӣ наҳтӯтиро.
• Хушкардаҳо чӣ шуданд?
• Ҳуснорои садқилоҳа нағз, магарам даҳгазӣ кӯртааш бихарӣ.
• Вай зеби ту надорад, маъйубӣ, маслуҳ мешавӣ.
• Зан намегирам, тамом!
• Мардак шав, дилат ба кӣ мойил?...
• Пештар биё, махфист.
• Хо-оп, омадам, бигӯ.
• Рӯшангула меорӣ?
• Ба чашм.
• Дурӯғ бигӯӣ — чӣ?
• Як хурӯси тоҷдор мекушам.
• Шунидӣ, оча?
• Чиро?
• Ваъдаи Насруллоро.
• Барои бачаат арӯс мековам, — ошнои «дилоҷонӣ» кафид.