девонагӣ андохт. Ӯ ба қазоқгиря мегуфт, ки ду сол инҷониб бевакаторӣ мегардад, болинаш санг ҳисоб. Чунин мешуморад, ки бачааш падар надорад. Агар барқасди Ӯ ба ҳавлӣ арӯси Шавкатро наёранд, оташ мезанад худрову бадбахтиашро дар қиёмат аз ишон мебинад. Солорҳо тарсиданд: аз дастони мӯдарози кӯтоҳакл ҳар кор омаданаш мумкин. Ҳавлии тӯйдор тамошогаҳи ҳақиқӣ шуда буд. Ғайбатчиҳои дарбадевор ба хонаҳошон хабар мебурданду баханда меомаданд. Одамон роҳи омадани соҳибхонаро мепоиданд.
Аммо Латифи бодӣ гум буд.

Дар тӯйҳои деҳ ахбори аҷоибу ғароиб мешнавӣ. Лак-лак таассуф, ки дар торихи Сарбанд чунинашро нав медиданд. Кӣ медонад, эҳтимол нав низ набуд. Гузардорони бист сол пеш бо ин гуноҳи азим Латифро ба ҳукми сангсор хонаҳез мекуҷониданд. Ба зери хок хуфтаанд, одамони нангу номусдор ва фариштасурату покзамир.

Сарпарасти навтаъйини маърака човандоз Абдувалӣ аз ваҳми соҳибхоназани берӯ имшаб чӣ балоеро сар мебарад, фармуд ба ҳофизон хизмат бигзоранд. Пасон, талаб намуд, то барои мардуми ҳозир банавбат бисароянду шоҳи маъюс алами «бепадарии»-ро кам эҳсос бинамояд. Ва шахсан рафта, аз ҳуҷраи мардакҳову ноипазхона норасоӣ мепурсид, теъдоди сарупопӯшонро дақиқ меҷӯст, базмороёнро шоҳбош мегуфт. Шохмардҳо зиннат меоростанд. Букридухтари пир худаву бехуда аз боби никоҳ манаҳ мезад. Ӯро хушъуру қонундон шуморида, камбуди занҳоро ба дӯшаш вогузоштанд. Ин замон садо омад, ки аз паси шоҳ мерафтагиҳо ба автобусу мошинҳои сабукрав биншинанд. Агар ин амал бетаъхир аст, дар намози шом ба ҳавлии духтардор хоҳанд расид. Таъкид ба тӯякиҳо якто буд: аз Латиф ёд нашояд!

Тӯякиҳо бӯғҷаву лату путашон тайи кашу тори сар, ба ҳоле ҷобаҷо шуданд. Зани Латиф дар фосилаи ба хона паноҳиданаш чунон атр ва упу, вусма ва сурма кашид, ки в-оллоҳ намешинохтӣ.
Ба Худо, дар нигоҳ метобид, ки ҳанӯз шавҳар накардааст.
Дандонҳои яксара тиллорангаш йилтирос мезад. Тайи ин гуфтугузор ба номи Шавкат шохчаҳд омад. Зардони сиёҳрӯ сигор ба лабон, ин сӯву он сӯ давида, «меҳмон бошӣ, пагоҳ бош!» — гӯён тӯйравҳоро ҳадаҳа мекунонд.

Ҳаво соф метобид. Моҳи доспакл аз шонаи кӯҳ боло мебаромад.