ҲУҶУМ БА
ОСИЁИ МАРКАЗӢ

Султон Муҳаммад Хоразмшоҳ лашкари гарон дошта бошад ҳам, сипоҳиёни худро ба гурӯҳҳо тақсим карда, асосан дар шаҳрҳо ва истеҳкомҳои ҳарбӣ ҷойгир намуд, ки ин парокандагӣ ғалаба ва пешрафти лашкари муғулро осон гардонид. Чингизхон ба истилои Осиёи Марказӣ омодагии хуб дида, моҳи сентябри соли 1219 бо лашкари гарон шаҳри Утрорро муҳосира кард. Ӯ баъди шаш моҳи муҳосира шаҳрро ишғол намуда, онро оташ зад ва зиёда аз 200 ҳазор сокинонашро қатли ом намуд.

ЧИНГИЗХОН ЛАШКАРИ
ХУДРО БА КАДОМ САМТҲО РАВОНА НАМУД?

Чингизхон лашкари сершуморашро ба се самт тақсим кард, ки гурӯҳи аввал бо сардории Ҷуҷӣ сӯи Урганҷ, гурӯҳи дуюм бо фармондеҳии Ҷағатой тарафи Хуҷанд ва гурӯҳи сеюм бо роҳбарии худи ӯ ҷониби Бухоро ҳамла оварданд. Чингизхон марти соли 1220 баъди муҳосираи серӯза Бухороро ишғол намуда, зиёда аз 30 ҳазор нафар сокини онро ба қатл расонид ва аксари занону ҷавононро гирифтори таҳқиру шиканҷаи азим намуд.