Ифтихори ман аст,
Гар Бадахшони ман.
Нангу номуси ман,
Суғду Хатлони ман.

Бо туям, эй Ватан,
Ҳамдилу ҳамбадан.
Парфишон пачамат,
Мазраат чун чаман.

Кишвари кўҳсор,
Кишвари номдор.
Бахту иқболи ту
То абад пойдор!

Сарвари оқилам,
Сарвари одилам,
Кору пайкори ту
Ҳалли ҳар мушкилам.

Зинда бош, эй Ватан!
Тахти Сомони ман!
Модари ҷони ман,
Тоҷикистони ман!

ҒАЗАЛ

Ҷону танам фидои ту, ман чӣ кунам, биёӣ ту?
Мурдаам аз барои ту, ман чӣ кунам, биёӣ ту?
Дар раҳи ишқ ҳар қадам сўхтан асту сохтан,
Беғаму н-ошноӣ ту, ман чӣ кунам, биёӣ ту?
Рўйи туро надида сер, ташнаи зиндагониям,
Ҷон ба танам адои ту, ман чӣ кунам, биёӣ ту?
Оҳани холиям махон, одамаму обу гилам,
Ин дили ман фидои ту, ман чӣ кунам, биёӣ ту?
Аз дили ман хабар бигир, то ки натаркад аз алам,
Эй ба дилам шуои ту, ман чӣ кунам, биёӣ ту?
Моҳи Хуросонияму сояи ҳур дар замин,
Мерасадам садои ту, ман чӣ кунам, биёӣ ту?

ВАТАН АСТ

Ба лабам номи ту, ҷоно, Ватан аст,
Чӣ аҷаб, гулшани зебо Ватан аст.
Зиллату хории ту бигзашта,
Гавҳари тоҷи муҷалло Ватан аст.
Гар ҷаҳон ҷабру ҷафоҳо дорад,
Ҳадафи нангу муросо Ватан аст.
Душманаш хору залил бод мудом,
Ахтари олами дилҳо Ватан аст!

САДОЯМ НАШУНИДӢ

Ман номи туро садо бикардам, нашунидӣ,
Дар ҳаҷри ту нолаҳо бикардам, нашунидӣ.
Дар кунҷаки кулбаам бихўрдам ғами дурет,
Сад нола ба сад наво бикардам, нашунидӣ.
Овора дилам, ба сони гаҳвора дилам,
Ҳар лаҳза туро садо бикардам, нашунидӣ.
Аз дарди худу ҷаҳони танҳоии худ,
Бас гиряву нолаҳо бикардам, нашунидӣ.
Чун пояи гандуми дарунаш холӣ,
Сархам ба ғамат вафо бикардам, нашунидӣ.
Доғи дили ман кам нашавад соату соле,
Бо шеъри дилам нидо бикардам, нашунидӣ.

ОСОРИ ТУ БОШАМ

Эй кош, ки манзумаву осори ту бошам,
Байту ғазали ишқу шарарбори ту бошам.
Дар мадрасаи васли ту гирам сабақи нав,
Ширинтарин оёти гуҳарбори ту бошам.