---

Гаҳ дуруштӣ бояд андар рӯзгор,
Ёфт сим аз хорҳояш эътибор.

---

Бӯсаам сабзид дар гирди лабат,
Ҳамчу сабза дар лаби оби равон.

---

Бо сари бибрида мегӯям сухан,
Ин ҳунарро аз қалам омӯхтам.

---

Шуд сари бемағз помоли ҳаво,
Мирадо, чун монд бе равған чароғ.

---

Сӯхтам баҳри дигарҳо ҳамчу шамъ,
Гиря аз беқадриҳоям мекунам.

---

Гарчи ман аз зангиён зангитарам,
Ҳамнишини шуълаҳои озарам.

---

Ҳарфи ваҳдат ҳарфи қилу қол нест,
Ганҷи сармад ғайри Истиқлол нест.

---

Барнахезад ҳеҷ аз як даст бонг,
Бе ду соҳил об мегардад пареш.

---

Оҳ, тарсам гандуми рӯи туро
Чашми оташбози ту оташ занад.

---

Ёрро хондам, нашуд меҳмону лек
Пашшаи нохонда меҳмони ман аст.

---

Гарчи бошад ханда оби зиндагӣ,
Хандаи гул марги гул будасту бас.

Мазмун аз Сайидои Насафӣ.

---

Ду лабам дар орзуи бӯсае
Ҳамчунон лӯлӣ гадоӣ мекунад.

---

Ҳар ситора дар фалак масъуд нест,
Оташи афрӯхта бе дуд нест.

---

Моҳ имшаб дар ҳисори абрҳо
Саъди Салмон аст дар зиндони Ной.

---

Дар муҳити тор ҷоҳил сарвар аст,
Соя дар шаб бештар қад мекашад.

---

Душман ар санге занад, ғам нестам,
Худ, ки сангам, шуълаборон мешавам.

---

Пунба гарчи аз ҳама болост,
Қадри ӯ дар бодаи миност.