---

Подарҳавои танҳо ку дар ҷаҳон чу қонун?
Омаш намешиносад, зўраш кашад таги по.

---

Пирӣ тиллост,
Худро худ натавонад истифода кард.

---

Баргҳои зардро меканд боди тирамоҳ
Чун кафи хушки дуои ман зи шохи зиндагӣ.

---

Пайғамбаре, ки дин сари шамшер бурдааст,
Аввал Худойро ба дами тир бурдааст.

---

Алломашуморони худ аз баҳри мукофот,
Боре биҷаҳед он тарафи наҳри мукофот.

Ҳамдардие ба Иқбол

Сад сол биҷўшондӣ, ин мурда ҳамон бошад,
Дар хуни худӣ хўрдан худхўрда ҳамон бошад.

---

Бар сари ҷўши хатар бин қаҳрамони пештоз,
Дар фиреби содаи ҳам қаҳрамон афтода мо.

---

Ҳамагӣ зодаи ишқем, ҳама зодаи нур,
Нур бо нур кӣ дидаст, ки зид омаду дур.

---

Мардум ба боли дониш парвозгар ба Миррих,
Аз гўши ҳам фаротар кай мепарида бошем?!

Барои сўфии бузурги Ҳинд Ошо

---

То зиндагаре туро чу як Ошо хест,
Сад мурдагари ту бо дусад ғавғо хест.

---

Гуфтем зи бедорӣ девонагии нав шуд,
Бедории девона бегонагии нав шуд.

---

Кўҳнашўи тозаҷўро дил куҷо озод буд,
Дар дили шаҳри азимат ом Юмгон офарад.

---

Сояи теғи Сикандар диду мушакҳои рўз,
Бо ҳама қудрат наёрад тоби як сўфӣ ҷаҳон.

---

Диниён бинам зи сўфӣ тарсёб,
Аз сиёсӣ то зиёӣ з-ў ба тоб.
Халқи раҳгум чун биёбад рўҳи пок,
Чун зи як сўфӣ чи раҳбарҳо қимоб.

---

Ояд нафаси кўдаки шир аз даҳани субҳ,
Хушбўтар аз ў хандаи нозе нашамидам.

---

Ин ҷаҳон хўи ту дорад, тифли ман,
Менавозам, то навозад ў туро.

---

Тифлон