Забонхону забондонам, забонрону забонбонам,
Забонаш дар даҳон, аммо намедонам забонашро.
Ҷаҳондору ҷаҳонёрам, ҷаҳонкору ҷаҳонсорам,
Ҷаҳонбахшу ҷаҳоннақшам, намефаҳмам ҷаҳонашро.

---

Умри ман ҳамсоли ман буд,
Зиндагӣ ҳамсоли ту,
Моли хоми зиндагӣ ман,
Зиндагонӣ моли ту…

---

Ғайрати Носир занад наъра зи Юмгон ҳанўз,
Ҳар варақи Занди кўҳ хонда ба рустан маро.

---

Ҳосили ҳикмати дунё ба Худо пайвандад,
Мо яке ҳикмати ўему ба худ вонарасем.

---

Гирифтам олами тасвирро дар чашми оятҳо,
Зи дунёи шикоятҳо ба домони ривоятҳо.

---

Ислом, ки аз решаи мо об гирифт,
Аз реша фаромўшу ба барг об занад.

---

Дарёии халқ чун шиносӣ,
Дарё нашавӣ яке палосӣ.

---

Ишқ то аз ман нигаҳ бардошта,
Хоки мурда зери каҳ бигзошта.

---

Ин хоҷасароёни талабгори ҳама,
Тобанд ба дида гул, вале хори ҳама.

---

Мураккабро ҷаҳонхоре чу шуд ном,
Чӣ хонӣ сода ошиқро ба дашном.

---

Ҷуз мутаассиб нашуд ҳосили пайғамбарон,
Мурда ба худ бурдаанд оинаи дини худ.

---

Дидем басе, ки туф сари гул фикананд,
Кас дид, ки гул низ ба кас туф бизанад?

---

Ғарб ба соҳат давид, Шарқ ба жарфо кашид,
Оқибаташ бингарӣ соҳату умқи якест.

---

Аз дидаи худ гар биканӣ холи таассуб,
Рўшан бишавад: – Кундаи раҳ ғайри ту кас нест.

---

Ба китобхонаи дил бидарову хон китобе,
Ки фаришта низ ояд пеши ту намозхонӣ.

---

Чу худро биёбӣ хушунат гум аст,
Чу аз худ бурунӣ, хушунат туӣ.

---

Дине, ки на дар шукуфтани мост,
Ғоратгари рўҳи бефани мост.

---