Боми Ҷаҳон шудиву шудӣ шӯҳраи ҷаҳон,
Зеби Ватан шудиву шудӣ фахри тоҷикон.

Аз Шӯравӣ чу ёд бимонду намонд асар,
Пас мустақил Ватан шуду дунё шуда дигар.

Роҳе ба сӯи олами беруна кофтӣ,
Бахтат баланд буду ту он роҳ ёфтӣ.

Пайваст гашт лонаи сангини бомиён
Бо бандари ҷаҳон сӯи шаҳпули ҷовидон.

Ин «Роҳи ваҳдат»-и ту қарин кард бо ҷаҳон,
Мулки биҳиштгунаи сарсабзи тоҷикон.
Эй модари азиз, Бадахшон, зиёд бош,
Бо Суғду Рашту хиттаи Хатлон ту шод бош.

Бар чашмаҳои мӯъҷизадори ту сад қасам,
Бо ҳеҷ мулки хуб қиёсат намекунам.

Бо меҳр шеъри санги сабури ту бишнавам,
Бо боли шеър сӯи ту ҳар лаҳза меравам.

Фардои ту базебу дурахшону нурбор,
Асри нав аст асри Бадахшони бовиқор!
январи 2005

ХУДО ҲОФИЗ
Ман акнун меравам, ай ҷон, Худо ҳофиз, Худо ҳофиз,
Зи пеши ҷумла хушрӯён, Худо ҳофиз, Худо ҳофиз.