аз дурӯти бофта баровардааш хурсанд шуда, лекин ин хурсандии ӯ дер давом накард. Сурайё ҷавоб дод.

• Усмонзода-ку шогирди Нозимова, пас чӣ хел омӯзгорашонро сарзаниш мекардаанд? Ба гапи мезадагиат худат ҳам сарфаҳм намерави-а!

• Ба ҳар ҳол, маълумоти Усмонзода баланд, вай дар донишгоҳ хондааст. Нозимова чӣ? - гуфт Надим наздиктар омада.

• Канӣ, гап зан?

• Маълумоти Нозимова ҳам кам не, аз Усмонзода бештар таҷриба доранд. - ҷавоб дод Сурайё.

• Аз хусуси қаҳрамониҳои Усмонзода чӣ мегӯӣ? - гуфт Надим ногоҳ солҳои ҷанг қаҳрамонӣ нишон додани муаллимашро ба хотир оварда. - Вай ду ордени Шараф ва нишону медали бисёр дорад. Нозимова чӣ?

• Нозимова ҳам ордену медаллҳо доранд. Ҳатто орденҳои Ленин, Байрақи Сурхи Меҳнат... худашон муаллимаи хизматнишондода...

Надим ин дафъа ҳам гап гузаронда натавониста, аламаш боз зиёд шуду кам не.

• Ҳар кӣ бошад-бошад, лекин ҳаминашро нағз шунидам, ки «куҳансол ва камсавод ҳастед» гуфта аз вазифаи муаллимӣ озод карда, ба нафақа мебаровардаанд, - гуфт Надим пешонаашро хорида.

• Киро аз вазифаи муаллимӣ озод кардаанд? - пурсид Сурайё бо оҳанги ҷиддӣ. - Кӣ куҳансолу камсавод будааст?

• Кӣ мешуд, Нозимова-дия. Сурайёи ботамкин якбора оташ гирифта рафт. Вай дар ҳолате, ки қариб буд аз гиребони Надим чанг занад, гуфт:

• Чаро дар шаъни Нозимова суханҳои нораво мезанӣ, бешарм? Ба ростӣ, ту бачаи беҳаё будай!

• Худат беҳаё!

• Не, ту беҳаё!

• Не, не, ту беҳаё!

Сурайё дид, ки Надим тайёр аст гапҳои аз ин ҳам