Франс рухсатномаи аз комендатураи Чернухино ба Андрейка пешакӣ ба даст овардаашро ба Анастасия Андреевна дод. Дар он гуфта мешуд, ки фалониҳо аз Чернухино ба маркази ноҳияи Лиман мераванд. Дар омади гап бояд гуфт, ки аз Лиман то минтақаи партизанҳо чил километр роҳ паймудан лозим буд.

Тақрибан феврали соли 1943 субҳдам Анастасия Андреевна ва Андрейка аз хона баромада, сӯи кӯчаи Школьная раҳсипор шуданд. Беист барф меборид, шамоли сахт вазида, барфро печутоб дода, ба рӯи кас мезад. Андрейка телпаки гӯшқадорашро ба ҳар ду бари рӯяш фуроварда, аз таги манаҳаш сахт баста буд. Дар дасташ дастпӯшакҳои аз пашм бофта, дар пушташ борхалта дукитфа бастагӣ. Шамоли сарди