---

Ҳозирҷавобӣ пеши доноён қадри азим дорад, аммо ба тавре, ки муносиб бошад, ва, илло, хомўш будан сад бор аз он беҳтар аст.

---

Касе, ки ҷавоби саволро намедонад, ба ҷои ҷавоб савол мегўяд.

---

Сухани бисёр – оби ҷўй, камсуханӣ – баҳр, баҳр мегирад ҳама оби ҷўй.

---

Ба қадри савол ҷавоб бояд гуфт ва агар надонед, аз дигаре, ки донотар бошад, бояд пурсид.

---

Бадтарини мардумон касест, ки дили донишмандонро ба теғи забон маҷрўҳ кунад.

---

Ҳар киро забон ширин нест, сазовори таҳсин нест.

---

Сухани ноандешида – зари носанҷида.

---

Андеша кун, он гаҳ сухан гўй, то аз лағзиш барканор бошӣ!

---

Ҳар чи зуд бигўянд, дер кай монад?

---

Дур шиканаду сухан нашиканад.

---

Сухани бомавқеъ шамшери буррост.

---

Аз сад забон забони хомушӣ росттар.

---

Ҳар киро забонаш нармтар, ёраш бештар.

---

То напурсандат, магў аз ҳеҷ боб!

---

Як гап шасту шаш паҳлў дорад.