Паи некмардон бибояд шитофт,
Ки ҳар к-ин саодат талаб кард, ёфт.
Саъдии Шерозӣ

Бо мардуми зиштном ҳамроҳ мабош,
К-аз суҳбати дегдон сиёҳӣ хезад!
Саъдии Шерозӣ

Ҳар ки бо бадон нишинад, некӣ набинад.
Саъдии Шерозӣ

Кас, ки бо нокасон қарин шуд, рафт,
Хас, ки бо шуъла ҳамнишин шуд, рафт.
Саъдии Шерозӣ

Гар ту дар гулшан дароӣ, гул барӣ,
Сўи бўстон бигзарӣ, сунбул барӣ.
Ҳусейн Воизи Кошифӣ

Ҳамнишини бадон мабош, ки нек
Аз бадон ҷуз бадӣ наёмўзад.
Салмони Соваҷӣ

Бо кеҳу меҳ суҳбат аз он сон гузин,
К-аз ту хирадманд бувад ҳамнишин.
Хусрави Деҳлавӣ

Макун ҳамнишинӣ ба ҳар бадсиришт,
Ки дуздад аз ў табъи ту хўи зишт.
Шавӣ аз бадӣ пур, зи некӣ тиҳӣ,
В-аз он набвадат заррае огаҳӣ.
Чӣ хуш гуфт деҳқони софӣ зи ранг,
Ки: «Ангур гирад аз ангур ранг».
Абдураҳмони Ҷомӣ

Бикун хубию бо хубон даромез,
Зи шахси нохалаф чун тир бигрез!
Роғиби Самарқандӣ