---

Тани ту ҷомаи ҷон аст, эй дўст,
Вале вақте ки покиза-ст, некўст.

---

Касе, к-ў зиёни касон суди хеш
Шуморад, манеҳ сўи вай пой пеш!

---

Киро бо ту гўянд бад бештар,
Чу набвад гунаҳ, дон, ки ҳасташ ҳунар.

---

Зоғ чун фориғ зи бўи гул бувад,
Нафраташ аз суҳбати булбул бувад.

---

Чизи мардум аввал зебандаам кард,
Гирифташ охиру шармандаам кард.

---

Ришта чу гусаст, метавон баст,
Лекин ба миён гиреҳ бимонад.

---

Хубро ҳар ки хуб мегўяд,
Хубӣ аз кори хуб мерўяд.

---

Ҳар ки ўро нафси шумаш ром шуд,
Аз хирадмандони некўном шуд.

---

Набошад ҳеҷ коме бениҳебе,
Набошад ҳеҷ ишқе бе итебе.

---

То нагиряд кўдаки ҳалвофурўш,
Баҳри бахшоиш кай ояд ў ба ҷўш?

---

То зи Лайлӣ сирри ҳуснаш сар назад,
Ишқи ў оташ ба олам–дар назад.

---

Чун набошад пок аъмол аз риё,
Ҳаст беҳосил чу нақши бўриё.