ҶАНГ ИДОМА ДОШТ
РӮИ ЗАМИН

Одамиёни гӯё чунунгирифта ва бесаршуда ва аз Худову аз ҳукми таърих намеҳаросида ва аз оқибати ногувори кору амали хеш андеша надошта ҳанӯз ҷанги ҷаҳонро идома медоданд ва фашистон ба пойтахти кишвари Шӯро, ки он вақт мулки тоҷик дар ҳудуди он буд, яъне ба Маскав наздик мешуданд, ҳолати иқтисодӣ ва маънавии империяи шӯравӣ бештар харобу абгор мегардид ва чизи боқимонда то қутти охирин ба хати ҷабҳа (фронт) фиристода мешуд ва бештари онҳое, ки яроқ бардошта метавонистанд, ҳамчунин сӯи ҷабҳа (фронт) равона мешуданд ва ё фиристода мешуданд.

Вале аз тарафи рафтаи онҳо, ба ҷойи ин одамони рафта хати сиёҳи онҳо меомад, яъне хате, ки дар он аз кушта шудани ин нафарон хабар мерасид.

Чунин номаҳо гӯё беҳисоб буданд ва ҳамоно меомаданд.