расонда ва сабташ дар хазинаи симо ва садои ҷумҳурӣ маҳфуз монда буд...

Мирзои Навозанда ҳоло боз ёд меовард шеъри Турсунзодаро, ки дар мулоқоти охираш зери мусиқаи навохтаи худи вай замзама карда буд ва чунин мисра дошт:
«Ба ранги заъфаронам мевазад боди сабо имрӯз...»

Пас Турсунзода марги худашро пешакӣ дарк мекард, ки чунин мисраҳоро тараннум дошт вақти омадаш ба назди Мирзои Навозанда ин маротиба?

Ва рӯзи ҷанозаи Турсунзода қатори навою сурудҳои мотамӣ, ки дар бари турбати шоири халқ менавохтанд, навоҳояке, ки онҳоро Мирзои Навозанда низ ба иҷро мерасонид, нола мекарданд.