Хуллас бо овози мӯъҷизабори сеҳрангез ва неруманду хастанашаванда таронасарой мекардааст Умар Ҳофиз дар маросими Сайри Лолаи Исфаразамин. Ва ӯро сармин, яъне сарҳофизи Исфара ҳам меномидаанд, зеро бисёр вақтҳо вай сурудае оғоз мекардаву (яъне нақшгӯ будаву) дигарон нақороти онро такрор месохта...

Умар Ҳофиз ҳар сол дар хатми маросими Сайри Лола, яъне баъди фитодани барги охирини лолаи дарахтон, ки гирди саҳна «шинонда» шуда будаанд, яъне дар ҷамъбасти ҳунарҳо ғолиб шуморида мешудааст...

Ғолиб будани варо тамошобинон ва ҳатто ҳофизону ҳунармандон эътироф мекардаанд.