Ончунон, гӯр то абошад танг,
Зиндагӣ гар даме ҷудошон кард.
Маргашон кард ҷовидон пайванд...
Дар яке бурқае бупеҷонем,
Сари як теппае бигӯронем,
Баъд як сангро ба рӯйи гӯр
Ёдгорӣ ба ҳар душон монем.

Баҳс хотима ёфт. Холмат Орзуро аз қафои Собирҷон барои бекор кардани амри аввалааш ба гӯристон фиристод...

• 2 -

Оғози тобистон дар осоишгоҳи Оби Гарм дам мегирифтам. Пагоҳӣ аз хоби бофарогат хеста, болои миз барқияеро дидам. Маро таъҷилан ба корхона даъват мекарданд.

• Тайёр шавед! - ҳамин ки ба дафтари корӣ сар халондам, роҳбари корхона маро бо ханда пешвоз гирифта гуфт.- Ба сафари хизматӣ меравед!

• Ба куҷо? - Ба ҷойи салом ҳайрон савол додам.

• Ба шаҳри Бойсуни ҷумҳурии ҳамсоя, - фармонро дароз кард Муҳаббатов. - Ба хонадони бародарони ӯзбак дар гузаронидани хати газ ёрӣ мерасонед.

Чунон номи Бойсунро шунидам, қиссаи ишқу муҳаббати бобои Довуду холаи Офтоб ба хотир омад. Он орзуи деринаи гумшуда аз таги дилам ногаҳон дубора шӯъла зад.

• Чандвақта?

• То анҷоми кор, - қиёфаи сардор ҷиддӣ гашт. - Хулдорат мекунам, кори каму ғам нест, агар сахт бигиред, то поёни соли нав буд мекунед. Агар не...

• Киро ҳамроҳ гирам? - буридам сухани сардорро.