Вазири корҳои хориҷӣ Қаюмов Л.Қ. ба ҳузур пазируфтанд. Сауд ал-Файсал ба Президенти Ҷумҳурии Тоҷикистон даъватномаи ҳукумати кишварашро барои анҷом додани боздиди расмӣ аз Мамлакати Арабистони Саудӣ супорид. Сафари вазири саудӣ бо имзо гардидани Протокол дар бораи барқарор шудани муносибатҳои дипломатӣ байни ду кишвар ба поён расид.

Апрели соли 1993 дар Қарочӣ (Покистон) дар чорчӯби вохӯрии вазирони корҳои хориҷии давлатҳои узви Созмони Конфронси Исломӣ мулоқоти Вазири корҳои хориҷии Ҷумҳурии Тоҷикистон Олимов Р.Қ. бо Вазири корҳои хориҷии Мамлакати Арабистони Саудӣ, шоҳзода Сауд ал-Файсал баргузор гардид.

13-14 декабри 1994 дар ҷараёни баргузории Мулоқоти ҳафтуми сарварони давлатҳои узви Созмони Конфронси Исломӣ дар Дорулбайзо (Мағриб) мулоқоти Президенти Ҷумҳурии Тоҷикистон Раҳмонов Э.Ш. бо муовини якуми Сарвазири Мамлакати Арабистони Саудӣ, валиаҳд, шоҳзода Абдулло ибни Абдулазиз доир шуд.

24-25 сентябри 1995 фиристодаи махсуси ҳукумати Мамлакати Арабистони Саудӣ Муҳаммад Аҳмад Бодиб ба Ҷумҳурии Тоҷикистон сафар дошт. Ҳадафи сафари ӯ баррасии пешниҳоди Созмони Конфронси Исломӣ дар бораи барқарор намудани сулҳу осоиш дар Давлати Исломии Афғонистон буд. Фиристодаи саудиро Президенти Ҷумҳурии Тоҷикистон Раҳмонов Э.Ш., Вазири корҳои хориҷӣ Назаров Т.Н. ба ҳузур пазируфтанд.

Апрели 1996 ба мақсади шиносоӣ бо кори Саридораи геодезия ва картографияи назди Ҳукумати Ҷумҳурии Тоҷикистон ва гузаронидани гуфтушунидҳо дар атрофи имкониятҳои ҳамкории дуҷониба ҳайати Мамлакати Арабистони Саудӣ, ки иборат аз мутахассисони соҳаи геодезия, картография ва суратгирии ҳавоӣ буд, аз Душанбе боздид ба амал овард.

Аз 30 июн то 3 июли 1997 нахустин сафари Президенти Ҷумҳурии Тоҷикистон Раҳмонов Э.Ш. ба Мамлакати Арабистони Саудӣ баргузор гардид. 1 июл дар қароргоҳи тобистонаи шоҳ дар шаҳри Ҷидда мулоқоти Президенти Ҷумҳурии Тоҷикистон