Бо вуҷуди ин бояд қайд кард, ки бештари робитаҳои иқтисодии барқароршуда аз вазъи ШМА вобастагӣ дошт.

Пӯшида нест, ки кулли давлатҳои ҷаҳони капиталистӣ пеш аз барқарор кардани робитаҳои иқтисодии хориҷии худ ба вазъи ШМА нигоҳ мекарданд. Ин ҳолат дар тӯли 55 соли баъдиҷангӣ ҳамеша тағйир меёфт.

Масалан, сиёсати пешгирифтаи Президенти ШМА Ф.Рузвелт, ки аввалин шуда бо Иттиҳоди Шӯравӣ муносибатҳои дипломатӣ барқарор намуда буд, дар солҳои Ҷанги Бузурги Ватанӣ ба мамлакати ҳамкори ҳарбию хоҷагӣ табдил ёфт. Сиёсати "ҷанги сард"-и интихобнамудаи Гарри Трумен бошад, баръакс, ба якбора қатъ гардидани муносибатҳои тиҷоратию иқтисодии байни ду давлати бузург оварда расонд.

Кӯшишҳои Д. Эйзенхауер, Ҷ. Кеннеди, Д. Ҷонсон, Р. Никсон, Д. Форд, Ҷ. Картер, Ҷ. Буш барои аз нав барқарор намудани муносибатҳои иқтисодӣ дар солҳои баъдиҷангӣ хусусиятҳои хоси худро доштанд.

Қадамҳои устувори дар сатҳи боло барқарор намудани робитаҳои иқтисодии хориҷии ду мамлакат дар вақти президентии Р. Рейган ва Ҷ. Буш мушоҳида карда мешуд.

Мақсадҳои Р. Рейган ва Ҷ. Буш - дар давраи ҳукмронии Р. Никсон қариб, ки пурра амалӣ шудан гирифтанд.

Давлатҳои ҷаҳони капиталистӣ хуб дарк карданд, ки дар ҳолати дар ду тарафи мухолиф мавҷуд будани яроқи қатли ом ва дар баробари ин сол аз сол вусъат гирифтани иқтидори ракетаҳои ядроӣ танҳо афзоиши робитаҳои иқтисодии хориҷӣ бо давлатҳои сотсиалистӣ, алалхусус бо Иттиҳоди Шӯравӣ, садди роҳи ҷанги ядроӣ шуда метавонад. Иҷрои ин мақсадро танҳо дар муносибатҳои самимии дуҷонибаи ШМА ва Иттиҳоди Шӯравӣ, ки соҳаҳои мухталифи хоҷагии халқро дар бар мегирифт, дидан мумкин аст. Ин аст, ки 35 давлат дар Хелсинки, пойтахти Финляндия 1 августи соли 1975 дар Иҷлосияи ҳамкорӣ ва амният дар Европа омодагии худро дар ҳамкорӣ бо ҳамдигар, қатъи назар аз низоми ҷамъиятиашон, изҳор карданд.

Дар ҳуҷҷатҳои ниҳоӣ дар ин бора чунин баён гардида буд: