доираи қаламрави ягонаи кишварҳои аъзои Иттиҳод минтақаи савдои озодро таъсис менамоянд.

Тибқи Созишномаи мазкур Тарафҳои аҳдкунанда ӯҳдадор шуданд, ки:

• ҳангоми воридот ва/ё содироти молҳое, ки дар қаламрави гумрукии яке аз тарафҳои аҳдкунанда истеҳсол гардида, барои содирот ба қаламрави гумрукии тарафҳои дигари аҳдкунанда пешбинӣ шудаанд, бочу хироҷи гумрукӣ, андозҳо ва хироҷҳои дорои амали якхела, инчунин маҳдудиятҳои миқдориро истифода намекунанд;

• тарафҳо номгӯи бочу хироҷ ва пардохтҳоро (ба истиснои бочи гумрукӣ, андозҳо ва хироҷи ба онҳо баробаркардашуда) бинобар воридоту содироти мол муайян намуда, дар савдои мутобиқобила набояд ба хароҷоти аз ҳад зиёд роҳ диҳанд;

• бо мақсади рафъи монеаҳои техникӣ ва маҳдудиятҳои дигари ба ин монанд дар тиҷорати мутақобила баҳри ҳамоҳангсозии талаботи техникӣ ва талаботи дигари махсус, инчунин мувофиқаи сиёсати худ дар ин соҳа кӯшиш мекунанд;

• ҷиҳати ҳарчи бештар содда кардан ва якнавохт сохтани расмиёти гумрукӣ, аз ҷумла бо роҳи ҷорӣ намудани шаклҳои ягонаи ҳуҷҷатҳои гумрукӣ ва марбут ба бор мутобиқи созишномаю шартномаҳои байналхалқӣ тадбирҳо меандешанд;

• зимни татбиқи чораҳои танзими тарифю ғайритарифӣ, пешбурди баҳисобгирии оморӣ ва мубодилаи иттилооти оморӣ, инчунин барои назорат ва барасмиятдарории гумрукӣ номгӯи молҳои фаъолияти иқтисодии хориҷии ба низоми ҳамоҳанги тасвир ва рамзгузории мол асосёфтаро мавриди истифода қарор медиҳанд. Зимнан, тарафҳо дар ҳолати зарурӣ номгӯи миллии молҳоро барои эҳтиёҷоти худ инкишоф медиҳанд;