• аз молҳои дар қаламрави гумрукии тарафҳои дигари аҳдкунанда истеҳсолшуда ба андозаи, ки аз дараҷаи барои молҳои миллӣ муқарраршуда зиёдтар аст, андозу хироҷро ба ҳисоби хазинаи давлат наситонанд;

• агар додани субсидияҳои содиротӣ ва субсидияҳои дигар ба корхонаҳои дар қаламравашон воқеъгардида шартҳои рақобати одилонаро вайрон кунад, чунин субсидияҳоро ба корхонаҳо намедиҳанд;

• принсипҳои транзити озодро риоя мекунанд; интиқоли транзити молро беасос бознамедоранд ё онҳоро маҳдуд намесозанд;

• ба реэкспорти рухсатнашудаи молҳое, ки тарафҳои дигари аҳдкунандаи истеҳсолкардаи онҳо нисбати ин молҳо чораҳои танзими тарифӣ ва/ё ғайритарифиро истифода менамоянд, роҳ намедиҳанд;

• ба инкишофи кооперасияи истеҳсолот ва ҳамкории илмию техникӣ дар сатҳи байнидавлатӣ (байнисоҳавӣ, минтақавӣ) ва дар сатҳи субъектҳои хоҷагидорӣ, аз ҷумла бо роҳи пешниҳоди шаклҳои мухталифи дастгирӣ мусоидат менамоянд;

• дар масъалаҳои назорати гумрукӣ ҳамкорӣ карда, амалҳои мувофиқашударо анҷом медиҳанд;

• минтақаи савдои озодро ҳамчун марҳилаи гузариш ба ташаккули Иттиҳоди гумрукӣ арзёбӣ менамоянд.

Мутобиқи Созишномаи мазкур низоми минтақаи савдои озод ба молҳои аз қаламрави гумрукии тарафҳои аҳдкунанда содиршаванда ва барои воридот ба қаламрави гумрукии онҳо пешбинигардида дахл дорад.

Ҳамкории дар доираи ИДМ таъмиқёбанда, аз ҷумла доир ба масъалаҳои гумрукӣ низ, ки қисми муҳими ин ҳамкориро ташкил мекунад, таҳияи асоси умумии қонунгузории гумрукии фаъолияти хадамоти гумрукии давлатҳои аъзои ИДМ-ро тақозо менамуд.